مصطلحات في الدعايه

أي مديرعايز يعمل لنفسه منظر لازم يتنطط بالكلام ده
مصطلحات خاصه بشركات الأدويه ( الجزء الأول )

خلي أتتيتيودك بوزيتيف
يعني وافق على كل التحشيش بتاع مديرك

ياجماعه المورال عايزينه عالي
يعني كل مندوب يروق الأناني و يضرب حجرين قبل المكتب

الدكتور ده ديرتي
يعني مبيستحماش و لا ايه ؟!

يفلص
بتشديد اللام,هي عاده قديمه فعلها أكبر المدراء

ثينك أوت أوف ذا بوكس
طلع راسك برا الصندوق يا عطوه

فين فوركاستك ؟
و يعلقلك الجنيه على الحيطه

انت على الأكشن بلان
ببساطه يا تبيع يا بره الشركه

عايزين نحلب الدكتور ده
لازم نحلبه أمال احنا ليه بنأكله في الميتينج

التقسيمه فير يا جماعه
و طبعا هوه مزبط حبايبه

السيلز حلوه بس ماركت شير زباله
تلاكيك و خلاص (ملقاش في الورد عيب قلولو أحمر الخدين)

الكستومر ده أجينست
عشان هوه فاهم و مبيكتبش الدوا

الكفريج بتاعك وحش
طيب حشتريلي بطانيه جديده و غطي نفسي كويس

المندوب "رقم"
و كأننا في سجن أبو زعبل

الناس كلها بايعه الا انت
يعني انزل أبيعلك في الاشارات و لا ايه!

أكستشنجايه بسيطه
يعني نصبايه بسيطه على العميل

بيعوا الأول و بعدين أطلبوا سامبلز!
ذل و خلاص

تيرمينيشن ليتر
و ده بيتعمل لكل مندوب فاهم الشغل و بيعارض مديره في الصح

تيم وورك
و معناها ان انت تخزوق في زمايلك و تنقل كل أخبارهم لمديرك



ربنا يتوب علينا من كار العوالم و خدمة البيوت , زي ما قال الشاعر محمد حماقي " بتحرق طيب أحرق و ابقى شوف مين يوم يحقق بكره تندم على اللي بعته ندم كبير , أحقق قال أحقق لو بموت و لا يوم ححقق " , و أخيرا يقطع البرودكتيفيتي على الأكتيفيتي على البوتنشياليتي و كل كليله



و نصيحه لكل مندوب اتفرج كتير على قناة ميلودي عشان تقدر تقاوم الملل



المعذبون في الأرض

عنهم,

مندوب حقير صرصار


..................................................................................................................................................
منقول من مجلة Pharmacists_coffee ( قهوة الصيادله ) أكبر مجله اليكترونيه للصيادله في الشرق الأوسط
الاشتراك مجاني لكل الصيادله
أشترك الأن لتحصل على رسائل دوريه بالوظائف الخاليه بمصر و السعوديه و الخليج بالاضافه لكورسات ملخصه و طرق الهجره للصيادله و أيضا معلومات علميه مفيده و لا ننسى المرح و نساعدك باساليب بدء مشروعك الخاص

للاشتراك ارسل رساله فارغه من ايميلك الى
Pharmacists_coffee-subscribe@yahoogroups.com
ستصلك رساله لتأكيد اشتراكك قم فقط بعمل Reply للرساله



أو قم بزيارة الموقع
http://health.groups.yahoo.com/group/Pharmacists_coffee/



اشتراك مجاني , ليه تستنى؟ انضم لقهوة الصيادله الكبيره!